Aery Izinil Zakwan Romie Mosuta

Pinonguludan Rinanzat Di Aki Gindaka Gunggunon Aery Izinil Zakwan Romie Mosuta

Iti buuk diti, iri no it pinangampanan tongo ngaran dit molohing di aki Gindaka Gunggunon, e tongobpinai, e kovorisan, kamaman, kominan om iri no it onsi dit nokosurat ino no e tongo rinanzat di aki Gindaka Guggunon. Iti buuk diti, minonuturan dit rinanzat tanganak di aki Gindaka Gunggunon e sid tolu songobpinai e savo di aki. Iti buuk diti, minonuturan dit hopod-om-valu tanganak di aki Gindaka Gunggunon, e nongokotokin, piro e tanganak dioti, sombo kinointorono, sombo kinosinaan, e ngaran tongo savo, sombo pinagantangan, sera kinoulian sid minamangun om sombo ot pinointaranan antawa pinalabangan. Iti buuk diti, pinonguludan dit rinanzat di aki Gindaka Gunggunon. Iri tongo ngaran nongokosurat sitid buuk diti, noulud om nagamaan dot rumbul pongimatan pinonginruhai dit kovorisan modihim ipat-ipat e tongo ngaran dit ihimon. Pongohuntadan diti ponusuran dot buuk rinanzat di aki Gindaka Gunggunon, mokitapaus oku sidikou ong amu nosondot antawa varo ot ongo vadsul tompumarasan ku, ombo no ong amu kabarabat oku banal mongomomogun nga tinomod ku no posurat sid momogun, pongilaan tongoulun dot e aki Gindaka Gunggunon diti turunan dot bansa Rungus. Ong varo ot onsi diti buuk dit amu nokonong (e tongo ngaran, hoturan songobpinai, nokopiatabalik, om nunu ka nopo it miuma dot ponongon) ot pinonguludan dau, humabal no sid dohon om uludon ku vagu.